Siglir tar il cuntegn

Header

cuntegn

Tschains da locaziun GKB stritga ils tschains per locataris da commerzi

La Banca Chantunala Grischuna relascha per dus mais il tschains da locaziun a locataris da commerzi ch'han stuì serrar lur fatschenta pervi da la pandemia.

GKB
Legenda: La banca chantunala relascha per dus mais il tschains a locataris ch'han stuì serrar pervia da la pandemia da corona. Keystone

Cun laschar crudar ina part dals custs fixs veglian ins pussibilitar als manaschis da cuntinuar cun lur fatschentas a moda durabla, communitgescha la Banca Chantunala Grischuna.

Er las Viafiers federalas stritgan tschains

Las Viafiers federalas han era decis da far concessiuns a lur locataris. Fatschentas ch'han stuì serrar pervi da la crisa da corona na ston betg pajar tschains per quest temp. Quai èn cunzunt fatschentas e manaschis gastronomics a las staziuns, sco la SBB communitgescha.

Fatschentas ch'han dastgà laschar avert durant il «lockdown» survegnan reducziuns dal tschains. Quellas reducziuns dependan da la perdita da la svieuta. Tut en tut vegnian adattads 1'200 contracts da locaziun per quest temp.

audio
Per tadlar: Las novitads da las 12:00
ord Novitads dals 19.05.2020. Maletg: RTR
laschar ir. Durada: 5 minutas 53 Secundas.

RTR novitads 12:00

Artitgels legids il pli savens