Pervi da las ordinaziuns da Covid-19 n'èn il demonstrants betg stads chastiabels. La polizia ha dentant smanatschà cun plants perquai ch'els han bloccà il traffic public e pervi da sforz, perquai ch'il traffic è stà bloccà per passa 3 uras.
Cun radund 250 persunas ha la demonstraziun gì pli pauc che 300 persunas, quai ch'è anc fin glindesdi il dumber maximal per sa participar a demonstraziuns. Tut ils participants e las participantas han plinavant purtà mascras. La regla da distanza da 2 meters n'han ils demonstrants dentant betg tegnì en.
Colurà verd la Limmat
Ils activists han vulì far attent cun lur acziun ch'ins na possia betg turnar a la normalitad suenter Coid-19. Uschiglio na vegnian ins betg pli d'evitar il collaps dal clima.
La gruppaziun d'Extinction Rebellion datti en numerus pajais ed els mettan tar lur acziuns il bler sin la malobedientscha civila, sco sin bloccadas da vias. A Turitg ha la gruppaziun colurà il settember passà verd la Limmat.
