Siglir tar il cuntegn

Header

cuntegn

UE, Svizra, Norvegia Pli bler dumondas d'asil, cunzunt en la Germania

Dapli che dumondan per asil en l'Europa il 2023. Cumpareglià cun l'onn passà èsi 17% dapli dumondas d'asil en l'UE, la Svizra e la Norvegia.

Sulet en la Germania han 329'120 persunas dumandà per asil, quai èn dubel uschè bleras sco il 2022. Las cifras ha la «Welt am Sonntag» publitgà, e sa basa sin cifras da l'UE anc betg publitgadas.

Da quellas ch'han dumandà en la Germania per asil, èn ils pli blers da la Siria (29%), suandà da la Tirchia (18%) e l’Afganistan (15%).

AfD
Legenda: En la Germania fa la partida AfD (Alternativa per la Germania) fermamain frunt cunter la migraziun. Keystone

En tut hai dà 1,13 milliuns dumondas per asil en l'UE, la Svizra e la Norvegia. La davosa giada hai dà il 2016 dapli ch'ina milliun dumondas per asil.

La Germania sto tractar las pli bleras dumondas per asil. La Spagna, la Frantscha e l'Italia tractan mintgamai circa la mesadad dal dumber da dumondas. Praticamain naginas tractan la Lituania (415) e l'Ungaria (31).

La Svizra ha tractà il 2024 passa 30'000 dumondas, tenor cifras anc betg definitivas.

RTR novitads 09:00

Artitgels legids il pli savens