Siglir tar il cuntegn

Header

Video
Il pled dad Ueli Maurer a New York
Or da News-Clip dals 24.09.2019.
abspielen
cuntegn

Ueli Maurer a New York «Dapli innovaziun, damain ideologia»

Il president da la Confederaziun Ueli Maurer ha tegnì in pled a l’inscunter suprem davart il clima a New York. Tranter auter ha el pretendì dapli innovaziun. Il mund dovria in pli grond svilup tecnologic. Per chattar respostas sin las dumondas dal clima, stoppia vegnir investì dapli en la perscrutaziun ed il svilup. En pli giavischa il president da la Confederaziun pli pauc ideologia en connex cun la discussiun davart il clima. Las dispitas politicas impedeschian ina clera analisa da la situaziun.

Cumbat a lunga vista, er per la Svizra

El ha er pretendì dad extender la planisaziun da mesiras cunter la midada dal clima sin l’entir tschientaner. Sco pajais da las Alps saja la Svizra en spezial pertutgada da la midada dal clima. Cun ils glatschers che lieuian, la naiv che na crodia betg pli e las numerusas bovas en la muntogna svaneschia er ina part da l’identitad e da la tradiziun svizra, ha suttastritgà Maurer.

RR novitads 06:00