Il president da la Confederaziun Ueli Maurer ed il minister da l'exteriur Ignazio Cassis represchentan l'emna proxima la Svizra a l'inscunter suprem da clima a New York, al «Climate Action summit».
Maurer survegn il pled glindesdi suentermezdi curt suenter il president american Donald Trump. Tenor il Cussegl federal vegn Maurer, tranter auter, a declerar che la Svizra veglia esser fin il 2050 neutrala areguard il clima.
Sper l'inscunter suprem da clima vegnan ils dus cussegliers federals ad esser preschents anc a differentas occurrenzas diplomaticas – uschia ad ina conferenza davart la finanziaziun da finamiras dal svilup durabel, la conferenza da la Siria e la debatta generala da las Naziuns Unidas ONU.
RR novitads 12:00+