L'emna da chauma internaziunala per il clima ha cumenzà en l'Australia cun radund 300'000 persunas. Quai tenor indicaziuns dals organisaturs.
Ils activists dal moviment «Fridays for Future» han scrit sin twitter che quai saja il dubel dals ultims marschs da protests. Demonstraziuns grondas hai dà a Sydney e Melbourne. Plirs 10'000 scolaras e scolars n'èn betg ids a scola ed han protestà perquai che la politica fetschia ord lur vista memia pauc cunter la midada dal clima.
Sin l'entir mund quinta il moviment cun plirs 100 millis sche betg milliuns da participants. Per l'entira emna da chauma internaziunala han ils activists annunzià protests en 160 pajais e passa 2'600 citads. Er en Svizra èn planisadas pliras acziuns.
RR novitads 06:00+
