Siglir tar il cuntegn

Header

video
Anne Lévy: «Attest duai esser pront la stad»
Or da News-Clip dals 24.03.2021.
laschar ir
cuntegn

Uffizi federal da sanadad «Attest da vaccinaziun fin la stad»

Fin la stad duai er dar per la Svizra in'attest da vaccinaziun che vegn renconuschì internaziunal, uschia ha ditg l'Uffizi federal da sanadad. L'attest duai sulettamein cumprovar la vaccinaziun, dentant betg in test u in'infecziun cun il coronavirus.

La cumprova dad in test u da la malsogna, n'haja nagina prioritad, uschia la directura dal BAG Anne Lévy.

Nus vulain in certificat da vaccinaziun che vegn renconuschì internaziunal e ch'ins na po betg falsifitgar.
Autur: Anne LévyDirectura dal BAG

Tar il certificat sajan ins er vid collavurar cun differents eroports. Ils svilups en l'Uniun Europeica sajan impurtants, ins na veglia dentant betg spetgar sin l'UE. L'introducziun dal certificat n'haja plinavant da far nagut cun la pagina meineimpfungen.ch. Ins veglia luvrar independent, ha ditg Lévy vinavant.

Adina dapli persunas vaccinadas

36% da las persunas da ristg en Svizra èn vaccinadas. En total hajan 9% da l'entira populaziun survegnì almain ina dosa, 5,4% saja vaccinada cumplet, ha ditg Virginie Masserey, la manadra da la secziun controlla d'infecziun dal BAG avant las medias.

Actualmain vegnian mintgadi vaccinadas 21'000 persunas cunter Covid-19 ed en bunamain tuts ils chantuns saja terminada la campagan da vaccinar en las chasas d'attempads e da tgira. Il medem mument restia la situaziun epidemiologica instabila.

RTR Novitads 16:00

Artitgels legids il pli savens

Scrollar a sanestra Scrollar a dretga