Buobs ch'èn naschids il 2020 en Svizra pon quintar da vegnir 81 onns. Las mattatschas bun 85 onns. La pandemia da corona ha laschar crudar las aspectativas da vita tar ils umens per stgars in onn – tar las dunnas per in mez onn.
La mesiraziun dal bainstar da l'Uffizi federal per statistica di plinavant, che in terz da la populaziun sur 16 onns saja anc adina fitg cuntenta cun l'atgna situaziun. Bain saja quai ina sminuziun da bun 3% en cumparegliaziun cun avant la pandemia. En l'Europa valia quai dentant anc adina sco valur fitg auta.
