Siglir tar il cuntegn

Header

Pierre Yves-Maillard
Legenda: Ils pli flaivels vegnan tutgads il pli ferm da la crisa da corona, ha ditg il president da l'uniun sindicala svizra, Pierre-Yves Maillard. Keystone
cuntegn

Uniun sindicala svizra «Ils flaivels vegnan tutgads il pli ferm»

Ils pli flaivels vegnan tutgads il pli ferm da la crisa da corona. Quai ha il president da l'uniun sindicala svizra, Pierre-Yves Maillard ditg en gasettas da Tamedia.

Tar ils lavurers cun pajas bassas stoppian oz quasi la mesadad far lavur curta e lur pajas sa sbassian vinavant.

Tar lavurers cun pajas autas sajan mo 5% pertutgads da lavur curta. Per meglierar la situaziun per ils flaivels pudessan ins reducir las premias da las cassas da malsauns. Sche quellas vegnissan sbassadas en in program da conjunctura, saja l'uniun sindicala averta per discussiuns.

Situaziun dramatica

La situaziun saja dramatica. L'economia d'export saja sa reducida pervia da bloccadas da furniziun. I dettia strusch spazi d'agir. Ord quest motiv stoppian ins rinforzar il consum indigen, ha ditg Maillard. Là dettia dentant in problem da fidanza en connex cun las mesiras da corona.

La Svizra stoppia emprender or da la pandemia. La protecziun da la sanadad a la plazza da lavur stoppia vegnir controllada meglier. Plinavant stoppian ins investir dapli en il service public. Quel na dastgia betg vegnir suttamess a la logica dal martgà.

RTR novitads 06:00

Artitgels legids il pli savens

Scrollar a sanestra Scrollar a dretga