Siglir tar il cuntegn

Svizra Urizis han chaschunà donns da milliuns

Suenter ils ferms urizis da venderdi e sonda passada, spetgan las assicuranzas tschients d’annunzias da donns. A passa dus milliuns francs pudessan ils donns da granella muntar.

Granella en ils mauns d'ina dunna
Legenda: Mintg'onn chaschuna la granella pliras giadas per gronds donns era en Svizra. Keystone

L’Assicuranza svizra cunter tempesta fa quint cun var 600 annunzias da donn, cun ina summa da 2,5 milliuns francs. Ils chantuns ils pli ferm pertutgads èn Vad, Friburg, Berna, Giura, Sviz e Turitg. Tenor ils purs hai dà surtut donns tar il graun, il tirc, ils tartuffels, las ravas da zutger, legums, tubac e l’iva.

Inundaziuns e chametgs

Era las polizias chantunalas avevan survegnì numerusas annunzias da donns tras urizis. Il pli savens è aua entrada en bajetgs, uschia en la regiun da Lucerna. A Turitg han ils vents fatg cupitgar bleras plantas, ed a Rapperswil han ils organisaturs stuì rumper giu in’occurrenza da kino en il liber.

Tenor SRF meteo han ils urizis da sonda saira purtà radund 25’000 chametgs, persunas n’èn naginas vegnidas blessadas.

RR novitads 18:00