Siglir tar il cuntegn

Header

cuntegn

Uss dentant istorgia Tschains negativs eran in grond succes per las bancas

Per las bleras bancas è l’èra dals tschains negativs stà in grond success. Ellas hajan pudì augmentar marcantamain lur profit. Quai rapporta il «SonntagsBlick». Cunzunt contribuì al success haja la fatschenta da cumissiuns e servetschs che cumpiglia las entradas da taxas da l’administraziun da la facultad, la concessiun da credit, il traffic da pajaments e la contabilitad.

Per exempel saja questa fatschenta creschida tar la Postfinance da 175 milliuns sin 398 milliuns francs dal 2014 fin il 2021. In augment da 25% haja er nudà la gruppa da bancas Raiffeisen. Taxas pli autas da la gestiun da conto sajan ina raschun per l’augment d’entradas. Il survegliader dals pretschs ha gia pretendì la fin d’avust che las bancas sbassian lur taxas.

Questa èra è uss dentant istorgia

Suenter che la banca naziunala ha da curt augmentà il tschains directiv, è quest uss sin 0,5%. La raschun era da far frunt a l’inflaziun ch'è creschida en Svizra, ha declerà banca naziunala.

RTR novitads 10:00

Artitgels legids il pli savens