Il Club alpin svizzer (CAS) quinta cun dapli turists en la muntogna, cunquai che blers Svizzers desistian da vacanzas en l’exteriur pervi da la pandemia da corona. La dumonda da pernottar en las chamonas dal CAS saja gronda. Blers pudessan emplenir las chamonas duas u trais giadas , ha ditg Sibyl Heissenbüttel dal CAS envers Radio SRF. Las fins d’emna sajan en blers lieus reservadas fin il settember.
Pervi da la crisa da corona dastgan be mez uschè blers giasts sco usità star sur notg en las chamonas dal CAS. Sch’il quint va la finala tuttina si per las chamonas sa mussa lura l’atun.
