Siglir tar il cuntegn

Header

cuntegn

Vacanzas han cumenzà Fin a 13 kilometers colonna davant il Gottard

Oz hai duvrà pazienza per viagiar tras il tunnel dal Gottard. Al portal dal nord dal tunnel hai gì sonda bun'ura ina colonna da 10 kilometers. Quella è lura creschida sin maximal 13 kilometers, cun in temp da spetga da fin a 2 uras e 20 minutas. Enturn las 7 la saira n'avevi lura naginas colonnas pli.

Cunquai ch’il traffic era surchargià avant il Gottard, ha il TCS cusseglià la ruta alternativa en il sid via l’autostrada A13 tras il tunnel dal San Bernardino. Quai scriva TCS sin sia pagina d’internet. E silsuenter hai era dà tranter Cuira Sid e Giuvaulta in pulit mument colonnas sin l'autostrada.

Raschun per la colonna lunga n'è dentant betg la naiv mabain che las vacanzas da scola d'atun han cumenzà en divers chantuns.

Avant in mez onn ha la Tagesschau rapportà uschia:

video
Coronavirus: «Na viagiai betg en il Tessin!»
Or da Tagesschau dals 02.04.2020.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga