Siglir tar il cuntegn

Header

cuntegn

Vaccin cunter omicron Pfizer po furnir la primavaira che vegn

Il concern da farmazia Pfizer ha confermà ch'i possian furnir a la Svizra proxima primavaira il vaccin adattà per la varianta omicron. Premissa è la lubientscha da Swissmedic. Anc saja dentant avert sch'i dovria insumma quest vaccin, ha ditg la scheffa da Pfizer en Svizra en in'intervista. Pfizer lavuria sin dus binaris. I vegnia d'ina vart examinà quant bun ch'il vaccin actual saja encunter la nova varianta e parallel analiseschai il concern sch'i dovria in'adattaziun e preparia quella.

Booster protegia d'omicron

Quai ch'ins possia dir sin basa da datas actualas: Persunas creschidas sajan suenter ina vaccinaziun da booster protegidas 25 giadas meglier d'ina infecziun cun la nova vartianta dal virus. I fetschia pia senn da sa laschar dar la terza virola, cunzunt per sa proteger d'in andament grev tar in'infecziun.

Lubientscha per pirla cunter virus en lavur

En connex cun la pirla cunter il virus ch'il concern ha sviluppà, sajan ins en contact cun Swissmedic. Anc na dettia nagina terapia anti-virals dal concern che haja survegnì ina lubientscha en Svizra. Il concern da farmazia quinta d'avair il cumenzament 2022 avunda datas per metter a disposiziun a l'autoritad che controllescha, survigilescha e lubescha medicaments en Svizra. Ina tala terapia possia, schi giaja tut bain, esser in sustegn e distgargiar en ils ospitals.

audio
Per tadlar: Las novitads da las 07:00
ord RTR Audio dals 28.12.2021.
laschar ir. Durada: 4 minutas 48 Secundas.

RTR novitads 06:00

Artitgels legids il pli savens

Scrollar a sanestra Scrollar a dretga