Per vaccinar uffants tranter 12 e 17 onns, stat uss era il vaccin da Moderna a disposiziun. Swissmedic ha communitgà, ch'els dettian la lubientscha temporara, sin basa d'in studi cuntinuant cun passa 3'700 uffants da questa vegliadetgna. Ils resultats areguard la protecziun, sajan sumegliants a quels tar persunas tranter 18 e 25 onns.
Las reacziuns secundaras sajan cumparegliablas a quellas da persunas sur 18 onns. Il vaccin saja 93% effectiv e las reacziuns secundaras cuzzian tranter in fin trais dis pon esser pli ferms suenter la segunda dosa.
Gia lubì per il diever tar uffants da la medema vegliadetgna, è il vaccin da Pfizer/Biontech.
