Il pledader dal Cussegl federal, André Simonazzi ha confermà sin dumonda da l'agentura da novitads Keystone-SDA, in tal rapport da la «SonntagsZeitung». Cura exact ed en tge rom ch'els vulan far quai, na saja anc betg cler. Quai vegnia communitgà pli tard.
Simonazzi ha repetì quai ch'el ha ditg a la gasetta: «Il Cussegl federal sa lascha vaccinar e cusseglia a las burgaisas ed ils burgais da sa laschar vaccinar encunter il coronavirus.»
Sco sulet commember dal Cussegl federal tutga Ueli Maurer cun ses 70 onns tar la gruppa da risico. L'Uffizi federal per sanadad BAG, numna persunas pli veglias che 65 onns sco persunas periclitadas spezialmain.