Gia dapi in temp pretenda la magistraglia da survegnir precedenza quai che pertutga la vaccinaziun cunter corona. Tenor la Confederaziun duain magistras e magisters dentant spetgar sco tut ils auters sin la vaccinaziun. Da vaccinar pli baud la magistraglia na fetschia betg da basegn, stat en la nova strategia da vaccinar.
Vegliadetgna avant professiun
Betg be la magistraglia sto spetgar, era autras professiuns che valan sco relevantas per il sistem, ston dar precedenza a la vegliadetgna. En Svizra vala la vegliadetgna sco criteri pli impurtant, hai num en la strategia federala.
Excepziun en trais chantuns
Singuls chantuns vulan tuttina dar prioritad a magistras e magisters, uschia ils chantuns Soloturn, Argovia e Berna. Quels trais chantuns han annunzià che la magistraglia possia sa tschentar en l'emprima retscha cura ch'ins haja avunda vaccin per l'entira populaziun.
Ord l'archiv
Ina visita en il center da vaccinar a Glion mussa, che las sfidas era da la logistica èn grondas.
