- En ina lavina en las Alps dal Vallais han duas persunas pers la vita. In terz alpinist ha survivì.
- Ils alpinists èn vegnids tschaffads d’ina lavina al Pigne d'Arolla, in spitg da prest 3’800 meters tranter il Matterhorn ed il Grand Combin.
En las muntognas vallesanas èn mortas duas persunas en ina lavina. In terz alpinist haja survivì ha communitgà l'agentura da novitads taliana Ansa. Tar las duas unfrendas sa tracti tenor Ansa d'in um da 30 onns ed in um da 50 onns oriund da la Lumbardia.
La Polizia chantunala vallesana ha confermà sin dumonda da l'agentura da novitads Keystone-SDA ch'igl haja dà ina disgrazia da lavina cun duas victimas. Ulteriurs detagls n'ha ella betg numnà. Ulteriuras infurmaziuns suondian il suentermezdi.
Tenor la Ansa è la lavina sa distatgada sin la muntogna «Pigne d'Arolla» – sin 3'800 meters sur mar – tranter il Matterhorn ed il Grand Combin.
