Siglir tar il cuntegn

Header

Staziun da turitg cun pendularis
Legenda: Keystone
cuntegn

Viafiers federalas Il 2021 uschè punctualas sco anc strusch

91.9% da tut ils trens da persunas sajan arrivads cun pli pauc che trais minutas retard a lur destinaziun il 2021. Pli punctuals sajan ils trens mo stads il 2020, scriva la SBB.

In auter punct impurtant per las clientas ed ils clients saja la segirtad da las colliaziuns. Era qua hajan els lavurà bain, scrivan las Viafiers federalas. 98,9% da tut las passagieras e tut ils passagiers hajan cuntanschì il proxim tren.

La buna punctualitad saja d’attribuir al fatg ch’ins haja planisà meglier ils plazzals e ch’ins haja repartì las lavurs pli guliv sur l’entir onn. Ultra da quai hajan els nudà pli paucs disturbis vid ils binaris ed ils trens l’onn passà. Era che pli paucas persunas èn viagiadas cun il tren pervia da la pandemia haja distgargià la rait.

La gronda sfida per il futur vesa la SBB tar l'urari. Perquai vul ella stgaffir là dapli reservas ils proxims onns.

audio
Per tadlar curt e cumpact
aus RTR Audio vom 20.01.2022.
abspielen. Laufzeit 1 minuta 8 Sekunden.

RTR novitads 12:00

Artitgels legids il pli savens

Scrollar a sanestra Scrollar a dretga