Las Viafiers federalas admoneschan che trens pudessan crudar ora ils proxims dis. La raschun: Il dumber dals cas da corona che creschan a moda rasanta. Adina dapli locomotivistas e locomotivists crodan ora perquai ch’els èn malsauns u en quarantina. La situaziun saja tendida, scriva l’SBB. Actualmain possia els anc mantegnair sia purschida. I na saja però betg da sclauder che singuls trens crodian ora pervi dad absenzas a curta vista ils proxims dis.
Be sco ultima mesira
Fin ussa funcziuneschia il manaschi anc bain. Ins stoppia dentant guardar tge che schabegia ils proxims dis. Actualmain hajan ins be en il Tessin ed en la Svizra franzosa stuì laschar crudar ora trens en il traffic regiunal. Ch'ins laschia crudar ora trens, saja dentant la pli davosa mesira.
audio
Per tadlar curt e cumpact
ord RTR Audio dals 05.01.2022.
Maletg: RTR
laschar ir. Durada: 54 Secundas.
