Il pass svizzer resta bun per viagiar en auters pajais. Tgi che posseda in tal po numndamain viagiar senza visum en 186 da 227 pajais. La Svizra è uschia sper ils Stadis Unids, la Norvegia e Belgia sin il plaz 7 da la rangaziun mundiala. Quai mussan las novas datas da l'Associaziun per il traffic aviatic internaziunal.
Las pli bleras libertads han però las Giapunaisas ed ils Giapunais che pon viagiar senza visum en 193 pajais. La plazza dus occupeschan ils burgais da la Corea dal Sid e dal Singapur cun 192 pajais senza visum. Lura suondan ils bugais da la Germania e la Spagna cun 190 pajais.
Sin il davos plaz è l'Afghanistan. Cun quest pass pon ils Afgans be ir en 27 pajais senza visum.
