La cursa tranter las duas candidatas da la partida cristandemocrata n'è betg stada stretga. La Vallesana Viola Amherd ha persvadì dapli parlamentarias e parlamentaris en Chasa federala, uschia ch'ella succeda a Doris Leuthard.
La giurista ed advocata
Dapi il 2005 politisescha la giurista ed advocata Viola Amherd en il Cussegl naziunal. Plinavant è ella vicepresidenta da la fracziun cristiandemocrata en la Chasa federala. Cun in pe è la Vallesana adina stada en la politica. Uschia è la dunna da 56 onns stada en il cussegl da la citad da Brig-Glis. Experientscha en l'executiva ha Viola Amherd rimnà sco anteriura vicepresidenta e suenter 12 onns sco presidenta da la citad da Brig.
RR novitads
