Siglir tar il cuntegn

Header

cuntegn

Violà secret d'uffizi? Cumissiun dal Cussegl naziunal vul abolir immunitad da Köppel

La cumissiun dal Cussegl naziunal responsabla vul abolir l'immunitad da Roger Köppel, cusseglier naziunal da la PPS, quai ha la cumissiun communitgà. Sche la cumissiun dal Cussegl dals chantuns suonda questa decisiun po la Procura publica federala manar in'inquisiziun cunter Köppel. I va per la pussaivla violaziun d'in secret d'uffizi. Abolir l'immunitad relativa da Köppel fiss ina premiera – anc mai ha ina cumissiun parlamentara fatg quai. Ina surpraisa fiss quai dentant betg. Roger Köppel aveva l'ultim temp gia ditg ch'el desistia voluntariamain da l'immunitad parlamentara. Quai n'è fadentant betg pussaivel.

Violà secret d'uffizi?

En il cas concret vai per intercurir sche Roger Köppel ha violà ses secret d'uffizi cun publitgar infurmaziuns secretas ord documents da cumissiun sin ses chanal da video «Weltwoche Daily». La cumissiun aveva perquai fatg ina denunzia penala cunter il politicher da la PPS.

A Fabian Molina smanatscha ina persecuziun penala

Er areguard il cusseglier naziunal da la PS, Fabian Molina ha la cumissiun dal Cussegl naziunal prendì ina decisiun, quai pervia ch'el ha fatg part d'ina demonstraziun betg lubida. La cumissiun ha decis ch'el n'è betg protegì tras l'immunitad. Che Molina saja sa participà ad ina demonstraziun – n'haja betg ina relaziun cun sia funcziun sco cusseglier naziunal.

Fabian Molina
Legenda: Keystone
audio
Las novitads da las 18:00
aus RTR Audio vom 11.05.2022.
abspielen. Laufzeit 4 minutas 22 Sekunden.

RTR novitads 17:00

Artitgels legids il pli savens

Scrollar a sanestra Scrollar a dretga