Il biro è sa decidì cun 8 encunter 4 vuschs ed in'abstenziun encunter las mesiras disciplinaras. Avant la decisiun haja Köppel gì in'audiziun. Sco schurnalist haja el, tenor il biro dal parlament, il dretg da proteger sias funtaunas da sias infurmaziuns. Per questa raschun, na possia il biro betg excluder cumplettamain che Köppel haja violà a moda sappientiva e materiala il secret d'uffizi.
Violà secret d'uffizi?
En il cas concret vai per intercurir sche Roger Köppel ha violà ses secret d'uffizi cun publitgar infurmaziuns secretas ord documents da cumissiun sin ses chanal da video «Weltwoche Daily». La cumissiun aveva perquai fatg ina denunzia penala cunter il politicher da la PPS.
A Fabian Molina smanatscha ina persecuziun penala
Er areguard il cusseglier naziunal da la PS, Fabian Molina ha la cumissiun dal Cussegl naziunal prendì ina decisiun, quai pervia ch'el ha fatg part d'ina demonstraziun betg lubida. La cumissiun ha decis ch'el n'è betg protegì tras l'immunitad. Che Molina saja sa participà ad ina demonstraziun – n'haja betg ina relaziun cun sia funcziun sco cusseglier naziunal.
