Siglir tar il cuntegn

Header

cuntegn

Virus da corona Anc nagins cas en Svizra

La Svizra n'ha anc constatà nagin cas dal virus da Corona - ha communitgà oz suentermezdi l'Uffizi federal da sanadad BAG.

Tar las persunas testadas n'hajan els anc gì naginas cun in resultat positiv. La Svizra sa preparia dentant dapi il cumenzament da schaner - a moda intensiva. Plinavant ha il departament d'affars exteriurs infurmà che la Frantscha saja pronta da sgular Svizras e Svizzers or da la China.

  • 10 persunas duain vegnir sgulads or da la regiun Hubei enavos en Svizra. I sa tracta da burgais svizzers e lur famiglias.
  • Als Burgais giaja bain ha communitgà il Departament da l'exteriur.

Exact cura, na possian els anc betg dir. Planisà è il sgol la notg da sonda sin dumengia.

Las burgaisas ed ils burgais svizzers e lur famiglias vegnian sgulads enavos cun agid da la Frantscha. Dentant era sche las persunas svizras pon turnar en Europa, vegn quai anc a cuzzar duas emnas fin ch'ellas pon entrar en Svizra. Las persunas che vegnan sguladas ord la China en Frantscha, stoppian numnadamain ir per 14 dis en quarantina.

Video
Daniel Koch: «14 dis quarantina èn necessaris per far la segira da betg esser infectà»
Or da News-Clip dals 31.01.2020.
laschar ir

La gievgia saira ha l'organisaziun da sanadad mundiala WHO proclamà il stadi d'urgenza internaziunal pervi dal virus da corona.

RTR novitads 12:00

Dapli da Svizraavrir la Landingpage

Nach links scrollen Nach rechts scrollen