Siglir tar il cuntegn

Header

Purtret d'in aviun da la Swiss.
Legenda: La Swiss stritga il proxim temp tut ils sgols en China. Keystone
cuntegn

Virus da corona La Swiss na sgola betg pli en China

La Swiss ha stritgà tut ils sgols en ed ord la China enfin ils 9 da favrer. Quai pervi dal nov virus da Corona che sa derasia, sco la Lufthansa, il concern-mamma da la Swiss, ha communitgà. Er las ulteriuras societads affiliadas na sgolian durant quest temp betg pli en China. Sgols a Hongkong na sajan percunter betg pertutgads.

Durant temp regular sgola la Swiss radund set giadas l'emna a Shanghai e tschintg giadas l'emna a Peking. Tut en tut stritgia la Swiss 32 sgols da ed a Peking e Shanghai, ha declerà la pledadra da la Swiss sin dumonda da l'agentura AWP. Pertutgads sajan radund 4'000 passagiers. Las societads aviaticas sgolian uss anc in’ultima giada en la China per che passagiers e las crews possian returnar en l’Europa.

Gia ordavant avevan British Airways ed America Airlines annunzià da stritgar lur sgols en ed ord la China.

video
Karin Müller, pledadra da la Swiss, davart la decisiun
Or da News-Clip dals 29.01.2020.
laschar ir

RTR novitads 18:00

Artitgels legids il pli savens

Scrollar a sanestra Scrollar a dretga