Il comité consista tranter auter da represchentantas e represchentants da la politica, sindicats e federaziuns professiunalas.
La refurma pegiurescha las rentas da quels ch'han gia uss il pli pauc, numnadamain da las dunnas.
Cun la refurma perdian las dunnas in onn renta da l'AVS, quai che sajan radund 26'000 francs damain entradas. I dettia avunda temp per elavurar ina refurma pli gista. Sper quai saja cler che la refurma da l'AVS è in emprim pass en direcziun vegliadetgna da pensiun 67 onns per tuts. L'iniziativa dals giuvens liberaldemocrats saja gia sin maisa.
Auzar la vegliadetgna da renta chatscha pli blera glieud en la dischoccupaziun sur lung temp ed en l'agid social.
Plinavant vegnia l'augment da la taglia sin la plivalur en il fauss mument, la vita vegnia pli chara e las entradas realas giajan enavos. L'augment tutgia en emprima lingia persunas cun pajas bassas e famiglias e quei en in temp nua che l'inflaziun creschia fitg e nua ch'ils custs d'energia strapatschescha gia il budget da famiglia.
La refurma va en votaziun ils 25 da settember.
Sin in clic tut davart las votaziuns dals 25 da settember.
