Decidì quai haja la suprastanza da partida, scriva la Partida cristiandemocratica dal Grischun en ina communicaziun. Il motiv saja, ch'i dettia arguments per e cunter l’iniziativa per concerns responsabels.
Tuttina sco la partida mamma refusa la PCD dal Grischun l’iniziativa cunter affars cun material da guerra. L’iniziativa saja in’attatga sin la segirezza sociala e sin la Banca naziunala svizra. Ella fetschia donn a la AVS, las cassas da pensiun, a las interpresas pitschnas e mesaunas e pericliteschia plazzas da lavur.
Atgnamain avess la radunanza da delegads da la PCD Grischun dals 28 d'october gì da decider las parolas per las votaziuns da la fin da november. Pervi da la pandemia da corona è quella dentant vegnida desditga.
