L'Indonesia è il quart grond pajais dal mund. Er l'economia dal pajais cun passa 260 milliuns abitants crescha cuntinuadamain. Schon oz exportescha la Svizra products cun ina valur da var 490 milliuns francs en l’Indonesia. Quai n’è dentant gnanc 0,3% da l’export total. La cunvegna da commerzi liber duai promover il import ed export.
Il 2018 ha la Svizra es ils ulteriurs stadis commembers da l’EFTA suttascrit la cunvegna da commerzi liber. Il sindicat da purs Uniterre ed ulteriuras organisaziuns han dentant fatg il referendum cunter la cunvegna.
Crititgà vegn surtut il pitschen interess da l’Indonesia da s’engaschar per standards ecologics e socials. Pervia da quest referendum ha uss il suveran svizzer l’ultim pled en chapitel.
Sin nivel naziunal èn la Partida verda ed ils sozialdemocrats cunter la cunvegna. La Partida verd-liberala è sa decidida per la cunvegna. Sin nivel chantunal ha mo la Verda annunzià da betg sustegnair la cunvegna.
Sin in clic tut las fatschentas federalas e communalas.