Siglir tar il cuntegn

Header

Maletg d'in svizzer che tegn la bandiera sivzra e quella da l'Uniun Europeica
Legenda: Keystone
cuntegn

Per tge vai? Iniziativa da limitaziun

La Svizra duai pudair reglar e limitar sezza l'immigraziun – pretenda la PPS. Ina survista da fatgs ed arguments davart l'iniziativa da limitaziun che va en votaziun ils 27 da settember 2020.

Il Cussegl federal ed il parlament refusan l’iniziativa senza cuntraproposta. Per mitigiar las consequenzas da la migraziun ha el decis il matg 2019 differentas mesiras per proteger pli fitg lavurants indigens. Plinavant duain dischoccupads pli vegls survegnir ina renta transitorica.

Tge è capità fin uss?

Textbox aufklappenTextbox zuklappen

Lantschà l'iniziativa han la Partida populara svizra (PPS) e l'Acziun per ina Svizra independenta e neutrala (AUNS) – era perquai ch'els èn da l'avis che la Svizra n'haja betg realisà l'iniziativa cunter l'immigraziun da massa ch'il suveran aveva acceptà l'onn 2014.

La fin d'avust 2018 è l'iniziativa vegnida inoltrada cun 116'139 suttascripziuns. En las debattas dal parlament n'ha quella dentant gì naginas schanzas: Il Cussegl naziunal ha refusà l’iniziativa cun 142 cunter 53 vuschs ed il Cussegl dals chantuns cun 37 cunter 5 vuschs.

Las posiziuns

La PPS dal Grischun ha gia annunzià ses sustegn per l'iniziativa. Tar las autras partidas na chatta l'iniziativa da la PPS nagin sustegn:

Dossier online rtr.ch/votaziuns

Dossier online rtr.ch/votaziuns

Sin in clic tut las fatschentas federalas e communalas.

RTR votaziuns 2020

Artitgels legids il pli savens

Scrollar a sanestra Scrollar a dretga