Siglir tar il cuntegn

Header

audio
VOT 29-11: Iniziativa per concerns responsabels – per tge vai?
Or da Actualitad dals 18.11.2020.
laschar ir. Durada: 2 minutas 7 Secundas.
cuntegn

Per tge vai? Iniziativa per concerns responsabels

Concerns duain er surpigliar responsabladad en l’exteriur. L’iniziativa vul obligar ils concerns cun sedia en Svizra da respectar ils dretgs umans e la protecziun da l’ambient.

Interpresas cun sedia en Svizra duain respectar ils dretgs umans e la protecziun dal clima er da lur fatschentas en l’exteriur.

Il Cussegl federal recumonda da refusar l'iniziativa. En il parlament a Berna hai dà grondas discussiuns e la finala è vegnì sviluppà ina cuntraproposta indirecta.

La cuntraproposta

Avrir la box Serrar la box

La cuntraproposta dal parlament federal va pli pauc lunsch che l’iniziativa: Interpresas grondas vegnan obligadas d’infurmar la publicitad davart ristgs e mesiras encunter. Sch’ils concerns èn activs en regiuns da conflict u en branschas nua che lavur d’uffants è derasada, ston els controllar pli sever (obligaziun da diligenza).

La cuntraproposta na vul percunter betg ch’ils concerns ston star botta per lur agir en l’exteriur. Per donns entras firmas affiliadas ubain furniturs fissan plinavant las dretgiras al lieu responsablas.

Questa cuntraproposta va en vigur sche l'iniziativa vegn refusada (e sch’i na dat nagin referendum encunter).

Tar las posiziuns uffizialas da las partidas na datti betg in cler muster: La sanestra (PS, Verds e Verd-liberals) din Gea - dentant era la BPD. Las ulteriuras partidas burgaisas (PPS, PLD, PCD) refusan l'iniziativa.

Differenzas grischunas

Che l'iniziativa per concerns responsabels sparta la politica burgaisa, mussa il fatg che duas partidas grischunas n'han betg la medema opiniun sco lur partidas mamma:

Dossier online rtr.ch/votaziuns

Avrir la box Serrar la box

Sin in clic tut las fatschentas federalas e communalas.

RTR votaziuns 2020

Artitgels legids il pli savens