Scumandar pesticids sintetics e chalar d’importar victualias ch’èn vegnidas producidas cun agid da quels pesticids. Quai è l'intenziun da l'iniziativa per aua da baiver netta ch'è vegnida lantschada oz. Uschia vul ins cuntanscher che damain pesticids che fan donn a la sanadad vegnan en il nutriment ed en l’aua.
Per ils adversaris van quellas pretensiuns memia lunsch. L’uniun purila svizra sa dosta. Ella tema che l’iniziativa sfurzass l’entira Svizra da producir bio e che las victualias vegnissan uschia pli charas. I dovria bain mesiras per il diever da pesticids. Il Cussegl federal fetschia gia avunda.
Il suveran svizzer decida ils 13 da zercladur davart l’iniziativa per aua da baiver netta.
Ord l'archiv
Las iniziativas cunter pesticids pretendan in’agricultura pli ecologica en Svizra. Oravant tut l’aua daventass cun quai pli netta. Dentant: Senza pesticids na va quai betg, pretendan da tschella vart blers purs.
