Il Gea da la Svizra al scumond da cuvrir la fatscha ha er distatgà commentaris en las gasettas svizras ed internaziunalas. Qua ina pitschna survista.
Per la revista tudestga «Der Spiegel» è il Gea da la Svizra per il scumond da burca ina «victoria da l'ignoranza». Quel na rinforzia betg las dunnas immigradas e pudess manar ad ina radicalisaziun. Il signal che sortia da quella decisiun saja piter.
La «NZZ» commentescha ch'il scumond da burca n'evocheschia nagin augment da violenza anti-islamica, el dettia dentant a la politica l'incumbensa da guardar vi meglier.
Betg surstada dal Gea a l'iniziativa sa mussa la «Berner Zeitung». Il pievel haja decis cun il venter. La burca na sa cumportia betg cun nus, cun nossa cultura. Il nov artitgel en la Constituziun na schlia era nagin problem. El dismettia in simbol textil da la repressiun, dentant betg propi il motiv.
Era «blick.ch» è da l'avis ch'il Gea n'haja nagin effect e saja nagut auter ch'in act simbolic.
