Per 42 raps è il pretsch da diesel e benzin creschì la stad passada. Il motiv per quest augment na saja dentant betg in cartel, ha la Weko scrit oz. Ella n'haja betg chattà indicaziuns per quai.
Ils gestiunaris da tancadis n'hajan betg fatg giu ensemen pretschs. Ils pretschs da benzin e diesel sajan creschids tranter auter pervi dal pretsch d'ieli ed il curs da stgomi dal dollar. Ch'i haja dà tancadis cun pretschs pli bass saja probablamain pervi da differenzas en la situaziun da concurenza e custs pli bass da gestiun.