Siglir tar il cuntegn

Header

cuntegn

World Economic Forum Olena Selenska appellescha a quels cun pussanza

La dunna dal president ucrainais Olena Selenska ha appellà a l'avertura dal WEF a l'entir mund da sa gidar.

audio
Avertura e reacziun da la regenza grischuna
ord Actualitad dals 17.01.2023. Maletg: Keystone
laschar ir. Durada: 3 minutas 48 Secundas.

Olena Selenska, la first lady da l'Ucraina ha appellà fermamain a l'avertura dal WEF vers ils schefs da stadi ed er vers las interpresas da nizzegiar lur pussanza pli fitg en favur da l'Ucraina. Ella pretenda er armas ed investiziuns.

Nus stain avant il collaps dal mund, sco nus enconuschain el.
Autur: Olena Selenska first lady Ucraina

Sper quai ha ella er raquintà da las sgarschurs da la guerra. Da la tema da las attatgas, dals purs ch'han tema dad ir sin lur funs perquai ch'igl ha minas e dals uffants che ston far lur pensums da chasa en la glisch da chandailas perquai ch'i n'ha nagin'electricitad.

Selenska ha fatg impressiun a regenza grischuna

Quests pleds han er commuventà la regenza grischuna ch'era en globo a l'avertura dal WEF. Tuts tschintg èn stads impressiunads da la dunna dal president da l'Ucraina. Ella haja propi pudì raquintar cun pleds simpels, clers ed er ord emprim maun da las sgarschurs da la guerra che la glieud en l'Ucraina sto supportar.

Ella ha mussà cun pleds fitg simpels e clers tge che ina guerra munta en il mintgadi dad in pievel e quai qua tar nus en l'Europa. Quai è ì datiers a mai.
Autur: Carmelia Maissen cussegliera guvernativa GR
audio
Fabia Caduff davart l'avertura dal WEF
ord Actualitad dals 17.01.2023. Maletg: RTR
laschar ir. Durada: 2 minutas 55 Secundas.

Alain Berset cun pleds d’avertura critics

Instituziuns democraticas ed ils stadis da dretg sin l'entir mund sajan periclitads en vista a l'inegualitad creschenta. Il mund stettia avant in spartavias. Quai ha il president da la confederaziun, Alain Berset ditg per l'avertura dal 53avel Forum mundial d'economia, WEF, a Tavau. Ed el ha crititgà ch'era al WEF saja vegnì ponderà fin uss memia pauc davart giustia sociala.

Latiers ha Berset danovamain condemnà l'offensiva russa en l'Ucraina. En preschientscha da la First Lady ucranaisa, Olena Selenska ha Berset ditg che questa guerra saja ina brutala attatga sin in pajais paschaivel.

RTR novitads 12:00

Artitgels legids il pli savens

Scrollar a sanestra Scrollar a dretga