Ils cas da rassissem en Svizra s'augmentan. L’onn passà han ils posts da cussegliaziun registrà 352 cas – tants sco anc mai. Il dumber è creschì en cumparaziun cun il 2018 per 27%. Quai resulta dal rapport annual da la Cumissiun federala cunter rassissem e da la plattafurma d'infurmaziun humanrights.ch. Sco gia ils ultims onns sajan persunas cun pel stgira daventadas il pli bler unfrendas da rassissem.
Auta cifra zuppada
Las cifras mussan dentant mo ils cas annunziads – il dumber zuppà saja probabel bler pli aut. Tenor il rapport datti plinavant adina dapli cas en la publicitad. La retegnientscha para da sa reducir. Quai er perquai ch’il rassissem chattia puspè adina dapli plaz en la politica.
Ord l'archiv
video
Votaziun davart l'extensiun da la lescha cunter il rassissem
Or da Tagesschau dals 16.01.2020.
laschar ir. Durada: 3 minutas 13 Secundas.
