La pli chara terapia dal mund è uss er lubida en Svizra: Swissmedic ha dà al concern da farmazia Novartis la lubientscha provisorica per la terapia da substituziun da gens Zolgensma.
La terapia che vegn duvrada per uffants pitschens cun ina atrofia musculara spinala SMA. Swissmedic ha dà la lubientscha suenter che gia plirs uffants èn vegnids tractads cun Zolgensma. Suenter l'examinaziun dals singuls cas, aveva l'Assicuranza d'invaliditad surpiglià ils custs.
La terapia che vegn duvrada mo ina giada custa passa 2 milliuns dollars. En ils Stadis Unids è la terapia gia lubida dapi il 2019. Tenor indicaziuns da Novartis èn fin uss gia passa 1'200 pazients vegnids tractads cun la terapia.
Ord l'archiv da SRF:
video
Zolgensma – la pli chara terapia dal mund
Or da Tagesschau dals 29.01.2020.
laschar ir. Durada: 2 minutas 36 Secundas.
