Siglir tar il cuntegn

Header

cuntegn

Tavau Chattà snowboardist sparì en lavina

A Tavau è in snowboardist mort gievgia en ina lavina. Suenter che l'um da 43 onns na saja betg arrivà sco planisà tar in inscunter haja la famiglia annunzià sia scumparsa. Suenter ch'il servetsch da salvament ha infurmà la polizia chantunala hajan ins cumenzà a tschertgar al pe d'ina lavina da ruttiva, ordaifer las pistas marcadas, cun stangas da sondar, scriva la polizia chantunala.

Curt suenter las 18:00 haja la squadra da salvament be pli pudì salvar la bara dal freerider sparì, ch'è stà sepulì sut ina cozza d'in meter naiv.

Ensemen cun la procura publica examinescha uss la polizia chantunala las circumstanzas da l'accident.

Lavinas er a Scuol e Lai

Er a Scuol è in um mort ier en ina lavina. A Lai è ina persuna sa blessada grevamain. Actualmain vala per bunamain l'entir Grischun in privel da lavinas «considerabel», stgalim 3.

Gronda part dal Grischun cun privel da lavinas considerabel.
Legenda: Privel da lavinas «considerabel». Stan 4 da favrer, 08:00. SLF

RTR novitads 14:00

Artitgels legids il pli savens

Scrollar a sanestra Scrollar a dretga