Il chantun Grischun fa bilantscha positiva da l'emprima mesadad da l'emna da vaccinaziun naziunala. Malgrà che l'interess, cunzunt per emprimas vaccinaziuns saja stà plitost pitschen.
Che l'emna da vaccinar saja in flop na lascha il minister da sanadad Peter Peyer betg valair.
La finamira era che mintga ulteriura vaccinaziun è impurtanta e questa finamira è ademplida.
Fin mesemna hajan radund 130 persunas per di sa laschà vaccinar, uschia Peter Peyer vinavant. Fitg dumandadas sajan las vaccinaziuns da booster. Fin uss hajan passa milli persunas laschà dar la terza dosa. L'emna da vaccinar naziunala dura anc fin dumengia.