Siglir tar il cuntegn

Header

cuntegn

Traffic d'Ascensiun Malgrà emprova da pilot puspè colonnas a Cazas e Razen

Suenter bunas experienschas sur Pasca han las vischnancas sper l’A13 puspè gì colonnas d’Ascensiun. Cazas e Razen speran ch’il project da pilot funcziunia puspè meglier sur Tschuncaisma.

Sco da Pastgas avevi era la fin d’emna d’Ascensiun ina tavla da scumond da transit sin la via principala avant Cazas. Questa tavla n’ha betg fatg gronda impressiun als automobilists ed a las automobilistas che vulevan guntgir la colonna sin l’A13. «Jau hai udì da glieud che abita sper via da considerablamain dapli traffic», di Pascale Steiner, la presidenta da vischnanca da Cazas, al schurnal regiunal SRF.

Da Pasca aveva il project da pilot procurà per in levgiament considerabel a Cazas e Razen. En las duas vischnancas speran ins ch’ils automobilists resguardian da Tschuncaisma puspè meglier la signalisaziun. Ed i dependia era da las controllas e da la preschientscha da la polizia.

Lezza na vul per il mument betg s’exprimer davart las experientschas ed ils resultats da las emprovas da pilot. Ins infurmeschia pir suenter Tschuncaisma cura ch’ins haja tut ils resultats dal pilot, di Roman Rüegg, pledader da la Polizia chantunala.

audio
Traffic d'Ascensiun è tuttina charrà tras ils vitgs
aus Actualitad vom 30.05.2022.
abspielen. Laufzeit 2 minutas 40 Sekunden.

Ils dis enturn il firà d'Ascensiun hai puspè dà colonnas e bler traffic en Svizra. Surtut sin l'A13, dentant er sin la via en Surselva hai causa bler traffic adina puspè dà colonnas.

Vias e traffic

Avrir la box Serrar la box
Vias e traffic

Qua vai tar la situaziun actuala da las vias e dal traffic.

RTR novitads 06:00

Artitgels legids il pli savens

Scrollar a sanestra Scrollar a dretga