Siglir tar il cuntegn

Header

audio
Cameras en guauds: È quai insumma legal?
Or da Actualitad dals 18.01.2022.
abspielen. Laufzeit 4 minutas 8 Sekunden.
cuntegn

Trapla fotografica Cameras privatas en il guaud cuntrafan a la protecziun da datas

Questas cameras cuntrafan a la lescha da protecziun da datas. A questa conclusiun vegn Thomas Casanova, l'incumbensà dal chantun per la protecziun da datas.

Sco burgais stoppian ins pudair sa muventar libramain en ils guauds, senza vegnir mulestà da traplas da fotografar. L'interess da la persuna privata sin protecziun da la sfera privata saja da valitar pli aut, che l'interess dal chatschadur u da persunas che vulan rimnar fotografias d'animals. Tenor l'opiniun da Thomas Casanova na dastgan persunas privatas betg tschentar si talas cameras. Da l'autra vart pon persunas privatas sa dustar encunter.

Per il chantun èsi tenor lescha da chatscha lubì da montar talas traplas da fotografar per differentas chaussas. Privats han dentant nagin dretg da metter si talas traplas da fotografar en la natira.
Autur: Thomas Casanova incumbensà dal chantun Grischun per la protecziuns da datas

Las pussaivladads da sa dustar

  • Sa drizzar al derschader u la derschadra.
  • Contactar la persuna ch'ha montà la camera, e supplitgar d'allontanar quella.
  • Pretender invista en las datas rimnadas.
Survegliaders da chatscha monteschan ina camera.
Legenda: Las cameras da l'Uffizi da chatscha èn lubidas, per exempel per far il monitoring d'animals. RTR, Reto Pfister

RTR actualitad 08:00

Artitgels legids il pli savens

Scrollar a sanestra Scrollar a dretga