La Polizia chantunala ha pudì sclerir 41 delicts ch'èn vegnids commess dal zercladur fin il settember passà en la Val dal Rain da Cuira. La procedura d'inquisiziun cunter dus umens da 17 e 24 onns saja terminada, scriva la Polizia chantunala en ina communicaziun.
Tar ils delicts sa tracti d'enguladitschs, donns da material, violaziun da domicil però er da delicts da traffic e cun meds narcotics. Tut en tut han ils dus delinquents fatg ina preda da plirs 10'000 francs e donns da 2'000 francs. Ils dus umens eran enconuschents a la polizia perquai ch'els eran gia sa fatgs culpants en auters chantuns.
audio
Per tadlar: Las novitads da las 17:00
ord RTR Audio dals 07.01.2022.
laschar ir. Durada: 4 minutas 39 Secundas.
