Siglir tar il cuntegn

Header

video
Pachet da mesiras per las medias: L'exempel «Posta Ladina»
Or da Telesguard dals 19.01.2022.
laschar ir. Durada: 4 minutas 34 Secundas.
cuntegn

Votaziuns dals 13 da favrer Pachet da mesiras per las medias: L'exempel «Posta Ladina»

Ils 13 da favrer decida la populaziun svizra davart in pachet da mesiras per las medias. I va per 150 milliuns francs. Cun quels daners vul il parlament federal sustegnair ils proxims set onns las medias. Quai è dentant dispitaivel.

La «Posta Ladina» è ina gasetta regiunala che cumpara trais giadas l'emna. La gasetta bilingua vegn producida a San Murezzan ed occupescha set collavuraturas e collavuraturs. Dal pachet da mesiras profitass la gasetta. Tenor il schefredactur, Reto Stifel, mancan reclamas ed inserats adina dapli. Il squitsch finanzial saja grond – e senza ils meds finanzials stoppian ins er desister sin tschertas retschertgas.

Nus vulain porscher schurnalissem da qualitad – e perquai essan nus avisads d’avair ina tscherta dotaziun.
Autur: Reto Stifel Schefredactur «Posta Ladina»

La «Posta Ladina» cumbatta , sco er autras gasettas, betg mo cunter il regress da reclamas ed inserats, dentant er cun adina pli paucs abunents. Er per l’editura, Martina Gammeter, èsi cler ch’il squitsch finanzial haja a la fin surtut consequenzas per quels che legian las gasettas.

Cunter subvenziunar gasettas directamain

 Che las medias èn impurtantas, da quai è er Martin Schmid, cusseglier dals chantuns, persvas. El è dentant er persvas, che las chasas edituras sajan creativas. Schmid è cunter ina subvenziun directa da gasettas. I dettia blera glieud che na consumeschia betg pli las medias uschia sco pli baud.

Là sa dat la dumonda sch’il stadi sto surpigliar ils custs, perquai ch’ils burgais na cumpran betg pli sez.
Autur: Martin Schmid cusseglier dals chantuns

Martin Schmid sustegness gugent pli fitg las medias localas. El disturba dentant ch’er ils gronds – Ringier, Tamedia, CH Media – survegnan in grond toc da la petta.

Dossier online

Avrir la box Serrar la box
Dossier online

Sin in clic tut quai ch'igl è da savair avant che votar: rtr.ch/votaziuns

RTR Telesguard 17:40

Artitgels legids il pli savens

Scrollar a sanestra Scrollar a dretga