Il president american Joe Biden na vegn betg al WEF che ha lieu quest schaner a Tavau. Quai rapportan medias americanas. Ses cussegliaders ed intgins funcziunaris da si'administraziun vegnian dentant ad esser preschents a Tavau.
Biden è gia stà duas giadas al WEF, da quai temp anc sco vicepresident da Barack Obama. L'anteriur president Donald Trump è stà duas giadas al Forum mundial d'economia. Enfin là eran presidents americans plitost ina raritad a Tavau. Avant Trump era Bill Clinton stà il 2000 l'ultim president american ch'è vegnì a Tavau.
audio
Per tedlar: las novitads da las 12:00
ord Novitads dals 19.11.2021.
laschar ir. Durada: 4 minutas 56 Secundas.
