Cuschinar en scola n'è betg pli sco pli baud

Duas chaussas èn sa midadas fermamain en l'instrucziun da cuschinar. Per lina n'èn ils scolars betg pli disads da cuschinar a chasa, uschia ch'ins ha da mussar bler dapli. Per lautra è il plan d'instrucziun sa midads. Avant il plan d'instrucziun 21 avevan ils scolars en l'otgavla classa in onn be lecziuns da cuschinar. Ussa vegn fatg dapli teoria da cuschinar, nua chi vegn mussà il diever da daners u la producziun d'aliments.