Agid e sustegn tar in lung viadi – la consultaziun da long-Covid

Per passa 404'000 persunas en Svizra n'è la pandemia da Corona betg passada. 40'000 dad ellas hajan sintoms uschè grevs ch'ellas na possian betg pli lavurar, calculescha dr. Gregory Fretz, spezialist da long-Covid a l'Ospital chantunal dal Grischun.

Dapi il mars 2020 chattan pertutgadas e pertutgads sustegn a l'ospital a Cuira. Oz vegnan 400 persunas regularmain al post da consultaziun long-Covid. Ina da las expertas, che porscha maun sin il lung viadi cun long-Covid è Annina Gees.

En la Vita e cretta raquinta ella da las pussaivladads d'agid e sustegn per persunas pertutgadas.

Lucia Wicki-Rensch è naschida e creschida si a Trun. Ella s'engascha dapi 25 onns per l'organisaziun «Kirche in Not», ina ovra caritativa internaziunala per las baselgias en miseria e per ils cristians persequitads sin l'entir mund.