Uvestg Bonnemain: «Il temp per far insatge dal bun è curt»

Era cun ses bainbaud 78 onns sa senta il spiritual animà da cuntinuar a muventar ed annunziar la buna novitad da l’evangeli. La «Vita e cretta» discurra cun el da questa lavur. El vesa la baselgia sco lieu per ina cuminanza che crescha. Malgrà che betg tut ils foss en il chantun Grischun na sajan svanids, vegnia el retschavì cordialmain en tut las regiuns e plaivs, quai ch’al rinforzia en ses intents, raquinta l’uvestg da Cuira. El accentuescha la necessitad da sa concentrar sin Jesus sco center e da tgirar ina relaziun pli profunda cun el per superar polarisaziuns. Vers l’atun spetga Bonnemain la nominaziun d’in uvestg auxiliar. Quel na duaja betg al distgargiar, mabain rinforzar cun el ensemen la renovaziun spirituala e la colliaziun cun Dieu en il chantun Grischun.