La moda co ch’ina dunna vegn accumpagnada durant parturir po sa differenziar fitg da pajais a pajais ed ha era da far ina massa cun la cultura. Perquai laschain nus davos nus la Svizra en questa «Vita e cretta» e faschain in pitschen viadi enturn il mund. Ensemen cun las trais spendreras Anna Barandun, Melanie Weber e Mirja Berweger faschain nus visita en il Mexico, a Guatemala ed ad Uganda. Lur experientschas mussan: La Svizra porscha bain in fitg bun provediment medicinal, ma tuttina pudain nus en Svizra anc emprender baininqual chaussa.
.
.
