Emprender da chapir tschel

Discurrer in cun l'auter na vul betg dir ch'ins è daccord, ma i vul dir ch'ins emprova da chapir ils quitads ed il punct da vista da tschel. Quai di Jakob Kellenberger, il president da Swisspeace, en Vita e cretta.

Redacziun: Claudia Cathomen

In mund senza guerras na vesa il realist Jakob Kellenberger betg. L'istorgia sur millis onns mussia che quai è in ideal che la carstgaunadad n'ha betg cuntanschì fin uss.

Ma ina istorgia da success datti. L'Europa. La decisiun da stadis, ch'avevan guerra, da metter ensemen la producziun da cotgla ed atschal, quai è stada ina decisiun enorm impurtanta ch'ha purtà la pasch.

Singulas contribuziuns

Zum Audio

I renda dad exercitar pasch

Durada 15 minutas 15 Secundas , Claudia Cathomen

Pasch pon ins exercitar. Quai na vul betg dir che quai exercizi ha success. Ma i renda, di Jakob Kellenberger, il president da Swisspeace.

I saja impurtant da sa dar bregia da chapir tge che tschella persuna vul. En la guerra haja el vis, quants che na sinteresseschian betg per il punct da vista da tschel, di Jakob Kellenberger en vita e cretta. I na veglia betg dir chins stoppia esser daccord cun tschel. Ma i veglia dir chins prendia serius il punct da vista ed ils quitads da tschel.