Sin la vart plitost segira èn ins sch'ins cumpra da vendiders e fatschentas ch'èn spezialisads a la vendita d'apparats electronics duvrads e reparads: ils laptops vegnan là controllads en detagla avant la vendita e vendids cun garanzia.
Ultra da quai è per regla installà il pli nov sistem operativ e garantì che l'apparat n'è betg pli lià a la possessura precedenta – per exempel cun l'Apple-ID.
Tgi che cumpra in apparat d'occasiun da persunas privatas sto star attent per ch'i na dettia nagina cumpra. Blers defects èn identifitgabels be al lieu.
Quels puncts èn da resguardar:
* Controllar sche tastatura e visur funcziunan. Er il scharnier dal visur vala in'egliada.
* Betg tut è vesibel be cun in cuc: Er controllar sche tut ils attatgs e colliaziuns funcziunan anc. Quai pon esser USB, attagt da la rait, Wlan, bluetooth ed oravant tut er il connectur da chargiar.
* Er ils megliers accus perdan suenter in pèr onns bler da lur prestaziun. Remplazzar quels po vegnir char u n'è insumma betg pussaivel.
* Windows sco er MacOS han la pussaivladad da laschar mussar il status da la battaria. Tar il Mac tegnair smatgà la tasta da selecziun ? e cliccar sin l'icona da battarias en la trav da menu. Il proceder en connex cun Windows vegn descrit qua <https://support.microsoft.com/de-de/windows/pflege-des-akkus-im-windows-2db3e37f-5e7d-488e-9086-ed15320519e4> .
* Tgi che vul pli gugent controllar sez il status da l'accu po laschar ir il medem mument plirs videos sin il laptop e transmetter medemamain datas via Wlan u bluetooth. Sche la battaria chargiada è suenter 15 minutas anc adina emplenida per almain 75% duess l'accu esser en stan pli u main bun.
Ultra da quai è per regla installà il pli nov sistem operativ e garantì che l'apparat n'è betg pli lià a la possessura precedenta – per exempel cun l'Apple-ID.
Tgi che cumpra in apparat d'occasiun da persunas privatas sto star attent per ch'i na dettia nagina cumpra. Blers defects èn identifitgabels be al lieu.
Quels puncts èn da resguardar:
* Controllar sche tastatura e visur funcziunan. Er il scharnier dal visur vala in'egliada.
* Betg tut è vesibel be cun in cuc: Er controllar sche tut ils attatgs e colliaziuns funcziunan anc. Quai pon esser USB, attagt da la rait, Wlan, bluetooth ed oravant tut er il connectur da chargiar.
* Er ils megliers accus perdan suenter in pèr onns bler da lur prestaziun. Remplazzar quels po vegnir char u n'è insumma betg pussaivel.
* Windows sco er MacOS han la pussaivladad da laschar mussar il status da la battaria. Tar il Mac tegnair smatgà la tasta da selecziun ? e cliccar sin l'icona da battarias en la trav da menu. Il proceder en connex cun Windows vegn descrit qua <https://support.microsoft.com/de-de/windows/pflege-des-akkus-im-windows-2db3e37f-5e7d-488e-9086-ed15320519e4> .
* Tgi che vul pli gugent controllar sez il status da l'accu po laschar ir il medem mument plirs videos sin il laptop e transmetter medemamain datas via Wlan u bluetooth. Sche la battaria chargiada è suenter 15 minutas anc adina emplenida per almain 75% duess l'accu esser en stan pli u main bun.
